Дар филиали Парки миллии Тоҷикистон, ки дар ноҳияҳои Лахш ва Сангвор ҷойгир аст, корҳои биотехникӣ барои ҳифзи гуногунии биологӣ ва беҳсозии шароити зисти ҳайвонот ва парандагон гузаронида мешаванд. Чорабиниҳои асосӣ иборатанд аз таъмини манбаъҳои ғизо дар фасли зимистон, тоза кардани чашмаҳо ва обанборҳо барои дастрасии ҳайвонот ба оби тоза, инчунин сохтани паноҳгоҳҳои сунъӣ барои ҳифзи онҳо аз таъсири номусоиди муҳити атроф.

















